Astro-Rato e Lampadiña 5. Retorno a unha terra descoñecida

Unha alucinante aventura coa que continúa a publicación en galego desta exitosa serie infantil de Fermín Solís, presentada nunha edición extraordinaria para coleccionistas, cun novo deseño e incluíndo materiais inéditos.

A Astro-Rato éntralle a morriña espacial e, para animalo, os seus compañeiros de tripulación organízanlle unha viaxe de vacacións, sen decatarse de que a súa boa intención acaba por levalos a un universo paralelo máis alá do espazo… e do tempo!