Compostela Ilustrada
El patito editorialFausto Isorna (1961) é ilustrador, autor de historietas e deseñador gráfico, cunha carreira de mais de 30 anos ás súas costas.
No cómic comezou a súa actividade vinculado ao underground galego na década de 1980, sendo fundador e director de revistas xa históricas como Valiundiez e Das Capital. Posteriormente, creou personaxes como Simón Martel, do que se publicaron seis libros, e Golfiño. Este último serviu de cabeceira para a revista de cómic comercial máis exitosa da historieta galega, con tiradas de ata 150.000 exemplares, e da que foi fundador e director artístico.
Como deseñador gráfico tivo unha extensa actividade profesional centrada, sobre todo, nos campos da edición e o cartelismo; tamén creou marcas comerciais, portadas para discos, ilustracións de libros, envases, e todo tipo de artefactos susceptibles de ser impresos sobre papel ou outros soportes.
Na actualidade é director de arte do seu estudo, Fausto Deseño Asociados, e de El Patito Editorial, especializada no libro ilustrado.
