Alicia no País das Marabillas

Coincidindo co 160 aniversario da súa publicación orixinal, editamos esta versión adaptada, ilustrada e composta por Fausto Isorna, pensada para todos aqueles que se acheguen ao libro por vez primeira, tanto para os máis novos como para o lector adulto. Coa pretensión de ser fieis ao orixinal de Carroll, mantendo todos os episodios, situacións e xogos de palabras, pensando en non infantilizar senón en facilitar a lectura —convencidos de que aquilo que formaba parte da educación da rapazada británica do século xix, brillantemente caricaturizada polo autor, non había ser moi familiar para os galegos de hoxe—, o libro combina as numerosas ilustracións cunha esmerada composición tipográfica, froito da experiencia de Isorna no deseño gráfico editorial, o cal converte un libro nunha experiencia completa para os amantes da lectura.