Camiña. Camiño. De Porto a Santiago

Catro ilustradoras, dúas galegas- Isabell Seidel e Blanca Escrigas- e dúas portuguesas -Fernanda Lamelas, Teresa Ruivo-, fixeron o Camiño da Costa, de  Porto a Santiago, con dous obxectivos: un reivindicativo, a visibilización do papel da muller no mundo da arte, cada día máis puxante; e outro cultural, promocionar a última das rutas recoñecidas oficialmente como Camiño de Santiago. Con esta dobre finalidade botáronse a camiñar estas catro mulleres para retratar, en debuxos, os lugares máis signicativos das distintas etapas: Póvoa do Varzim, Esposende, Viana do Castelo, A Guarda, Pontevedra, Vigo, Caldas de Reis, Padrón… De entre eles seleccionamos os corenta que conforman este caderno que deixa constancia desta inesquecible experiencia.