As Illas Cíes

A colección illadas presenta, nunha coidada edición, o patrimonio insular galego a través da visión de dous artistas. Neste volumen, visitamos as illas Cíes da man dun escritor heterodoxo, Xelís de Toro, poeta, novelista, xornalista, músico, axitador cultural… E un ilustrador, o francés Tazab, que une a súa maestría como acuarelista e paisaxista, ao gusto pola viñeta humorística e o cómic. Ámbolos dous nos relatan as súas respectivas viaxes ás illas Cíes, cada un coa súa linguaxe, nesta publicación que abrangue dúas experiencias diferentes. Queremos que o lector goce, soñe e viaxe, a través destas páxinas, e que se deleite coas nosas illas, aínda hoxe tan descoñecidas.