La Isla de Arousa

Este terceiro volume da colección Illadas está dedicado A Illa de Arousa, enclave paradisíaco na ría do mesmo nome na provincia de Pontevedra. A través das miradas da xornalista Gracia Lacal e da afamada acuarelista Marielle Durand penetraremos nas fermosas paisaxes da maior illa de Galicia e coñeceremos aos seus habitantes, unha poboación estable que desenvolve alí a súa vida cotiá durante todo o ano e vese convertida, nos meses estivais, en lugar de veraneo masivo. O texto descóbrenos aos insulares e os seus costumes, con pinceladas da súa historia e cultura, nun paseo continuo pola súa xeografía, en días e noites que parecen non ter fin nun verán que languidece lentamente. En paralelo, as ilustracións móstrannos unha illa colorista, repleta de sol e praias, lugares e recunchos para perderse.
Esta obra recibiu unha Axuda á Edición do Ministerio de Cultura e Deportes.