O Palacete das Mendoza

Un delicado libro no que se conta a historia da familia Mendoza e a súa importancia na cidade de Pontevedra. Unha historia que trazaron as mulleres desta saga: Soledad Méndez Núñez, Carmen Babiano Méndez-Núñez, e as irmás Concepción e María Mendoza Babiano- as últimas propietarias do chamado Palacete das Mendoza. O ilustrador portugués Paulo J. Mendes foi o encargado das recreacións en acuarela das habitacións deste edificio, a través da documentación fotográfica que chegou aos nosos días. Un arduo labor que deu vida de novo ao palacete, actual sede de Turismo Rías Baixas.