De Catro a catro

A curta vida do poeta que asinou só co seu nome, Manuel Antonio (Rianxo, 1900-Asados, 1930), non lle impediu deixar tras de si unha obra absolutamente fundamental: De catro a catro. Aparecida por vez primeira en 1928, este libro de poemas é unha viaxe que serviu para introducir de vez as letras galegas nas correntes máis renovadoras do tempo das vangardas. Esta edición —conmemorativa do aniversario do nacemento de Manuel Antonio—conta coa coidada versión española de Luís Rei Núñez  e coas inspiradas ilustracións de Pablo Otero, cuxa linguaxe establece co texto unha comuñón difícil de superar.