Educando a mirada: Leccións de arte e deseño

Deseño gráfico e expositivo desta mostra que convida a mergullarse na actividade da Real Sociedade Económica de Amigos do País e da Escola de Artes e Oficios, dúas institucións comprometidas coa formación de artistas e artesáns nun momento clave para a cidade de Santiago.
A través de 85 documentos orixinais comprendidos entre os anos 1826 e 1950 —láminas, gravados, publicacións, copias en xeso e exercicios escolares— e distribuídos en 12 vitrinas, descóbrese como o debuxo lineal, o estudo da figura humana, o deseño arquitectónico e mesmo o deseño industrial foron ferramentas fundamentais para educar a mirada, cultivar o gusto e preparar profesionais creativos para un mundo en transformación.